»؛° مرحبا بكـ ياآ ~ زائر ~ فى منتديآت لؤلؤة مسقط °؛«
 
الرئيسيةالبوابةس .و .جبحـثالتسجيلدخول

شاطر | 
 

 قصيدة لشاب فقير خطب بنت عمه المليونير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
إحساس إنسان
عضو ذهبي
عضو ذهبي


ذكر

عدد المشآركآت : 539

العمر : 21

ْْ[ الهوآية :

الإقآآمهـ : في ارض الله

مزآجي :

نقاآط ~ : 3275


مُساهمةموضوع: قصيدة لشاب فقير خطب بنت عمه المليونير   2nd مايو 2010, 19:20




سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة
الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه
قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة
قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه
لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة
والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة
وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة
وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه
وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه
هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه
ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه
شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه
وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة
يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه
قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة
الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة
يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه
تراك شايب رأس مالـك رياليـن ***والبنت ما تسوى جنـاح الذبابـة

قال انقلع مالت على وجهك الشين*** *لا عاد أشوفـك عندنـا يالزلابـه
قلت ابشر أبشر لكن الباب من وين**وأقفيت من عنده على صوت بابـه
الرجوع الى أعلى الصفحة اذهب الى الأسفل
ملكة المملكة
«« مشرف »»
«« مشرف »»


انثى

عدد المشآركآت : 3237

العمر : 27

ْْ[ الهوآية :

الإقآآمهـ : احسن كذا بلا حب بلا وجع راس..

وش جانا من وراء هالحب غير الالم غير التعب وش جانا؟؟

مزآجي :

نقاآط ~ : 6175


مُساهمةموضوع: رد: قصيدة لشاب فقير خطب بنت عمه المليونير   3rd مايو 2010, 00:06

واو قصيدة حلوة يسلمو عالطرح ما شءا الله تسلم ايدك

_________________




الرجوع الى أعلى الصفحة اذهب الى الأسفل
الحلوة المسقطية
~*¤ المدير العآم ¤*~
~*¤ المدير العآم ¤*~


انثى

عدد المشآركآت : 3966

العمر : 22

ْْ[ الهوآية :

الإقآآمهـ : في بيت باباتي فديتًهَ

مزآجي :

نقاآط ~ : 5893


مُساهمةموضوع: رد: قصيدة لشاب فقير خطب بنت عمه المليونير   3rd مايو 2010, 16:39

ياحرررررام مسكين

لكن بصررررراحة الشعر مرة فنتك إبداااااااااااااااااااااااع..ْ},

يسلموووووووووو خيووو

_________________




الرجوع الى أعلى الصفحة اذهب الى الأسفل
http://musc.darkbb.com
بنت ناس وقلبها الماس
عضو جديد
عضو جديد


انثى

عدد المشآركآت : 27

العمر : 22

ْْ[ الهوآية :

الإقآآمهـ : سلطنة عمان

مزآجي :

نقاآط ~ : 2476


مُساهمةموضوع: رد: قصيدة لشاب فقير خطب بنت عمه المليونير   22nd مايو 2010, 22:45

ياسلام قصيده ولا اروع تسلم ع طرح الموضوع الاكثر من رائع...
الرجوع الى أعلى الصفحة اذهب الى الأسفل
 
قصيدة لشاب فقير خطب بنت عمه المليونير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى لؤلؤة مسقط :: ◦.ღ.◦ لؤلؤة المنتديات الأدبية ◦.ღ.◦ :: ¨°o.O ( منتدى الشعر والخوآطر ) O.o°"-
انتقل الى: